RÓMARVEFURINN

E F N I

LEITA í VEFNUM

Sláðu inn það efnisorð sem þú hefur áhuga á að fræðast um í Rómarvefnum.

NÝTT í VEFNUM

08.05.09 Mussolini og launsonurinn. Lesa

17.05.07 Nokkrir góðir punktar um eitt og annað sem hægt er að gera í Róm. Lesa

15.05.07 10 staðir í Róm sem koma þér í beint samband við fornöldina. Lesa

04.11.06 Vínframleiðsla á Sikiley er mikil og hefur stórbatnað síðustu árin. Lesa

02.09.06 Bottega dei vini er vínsetur vert að heimsækja í Verónu. Lesa

FERÐAVEFIR

ÍTALÍA: Hanna Friðriks
PARÍS: Parísardaman
K.HÖFN: Islands center
ÍS-ÍT: islandaoggi.com

- Þinn vef hér? Hafðu samband.

SKÁLDIÐ SAGÐI ...

„Ef ég skyldi einhverntíma komast í vandræði þá vildi ég vera meðal ítala.“

- Halldór Laxness.

Lestu meira um hvernig íslensk skáld hafa ort og skrifað um Ítali og Ítalíu.

UMSAGNIR

„Við erum búin að vísa mörgum í hús til ykkar því af þeim vefjum ítölskum sem við skoðum þá held ég að ykkar geri betur en flestir að vísa til vegar á Ítalíu og ekki síst í Róm.“

„...hagnýtur og
hentugur vefur sem fær nánast fullt hús stiga út á upplýsingagildið og skemmtilegheitin ...“

„Við prentuðum út margar síður af þessum snilldarvef og notuðum sem biblíu á 10 daga ferðalagi okkar um Róm.“

Meira

SAGA RÓMAVELDIS

Rómaveldi á fyrstu öld

Rómverjar reistu borgir, lögðu vegi og friðuðu að mestu þau landsvæði sem þeir lögðu undir sig. Þeir komu á miðstýrðu ríkisvaldi sem náði um gríðarlega stórt svæði í þremur heimsálfum.

	f.kr.
50		Júlíus Sesar sigrar Galla.
49		Sesar heldur suður yfir Rúbíkonfljót: Teningunum er kastað. Borgarastyrjöld hefst í Róm.
44		Sesar veginn í Öldungaráðinu.
43		Þremenningastjórnin hin síðari stofnuð: Markus Antóníus, Lepidus og Oktavíanus (síðar Ágústus).
42		Brútus og Kassíus, tilræðismenn Sesars, drepnir í Grikklandi.
40-39		Oktavíanus kvænist og skilur við Skríboníu. Kvænist Livíu.
36		Oktavíanus segir skilið við Pompeius og Lepidus.
35-3		Bardagar í Illiríu og Dalmatíu.
31		Oktavíanus sigrar sjóher Markusar Antoníusar og Kleópötru við Aktíum.
30		Kleópatra og Markus Antoníus svipta sig lífi. Egyptaland innlimað í Rómaveldi og síðar gert að sérstöku skattlandi keisarans.
29		Rómarfriður, pax romana, brestur á.
28		Oktavíanus útnefndur Princeps Senatus.
27		Oktavíanus gerður að keisara og gefið sæmdarheitið Ágústus Sesar, sem síðan átti eftir að fylgja keisurum Rómar.
19		Skáldið Virgill deyr, en Eneasarkviða hans er gefin út að honum látnum.
18-17		Ágústus setur Rómverjum ströng siðgæðislög.
12		Ágústus gerður að æðsta presti, Pontifex Maximus, embættistitill sem páfarnir tóku svo upp. Tíberíus, stjúpsonur Ágústusar, leiðir Rómarher í stríði (til ársins 7).
11		Ágústínus neyðir Tíberíus til að skilja við konu sína og kvænast þess í stað hans eigin dóttur, Júlíu.
6		Tíberíus fer frá Júlíu og sest að á grísku eyjunni Rhódos.
6-4		Jesús fæðist (talinn fæddur a.m.k. 4 f.Kr.(!).
4		Seneca fæðist, eða u.þ.b. á árabilinu 4 f.Kr. - 1 e.Kr.
2		Júlía, dóttir Ágústusar, sökuð um hórdóm og faðir hennar gerir hana útlæga frá Róm.
1		Óvidíus gefur út List ástarinnar.
	e.Kr.
2		Tíberíus kallaður heim til Rómar og útnefndur erfingi Ágústusar.
6		Júdea verður rómverskt skattland.
		Ágústus sendir Óvidíus í útlegð til borgarinnar Tómí við Svartahaf.
9		Herdeildum undir stjórn Varrusar er eytt í Germaníu.
14		Ágústus deyr og Tíberíus gerður að keisara. Tíberíus fellir niður lífeyri Júlíu, sem deyr úr vannæringu síðla sama ár. Germaníkus settur yfir Rómarher í Germaníu og berst þar til ársins 17.
17		Óvidíus deyr í útlegð.
19		Germaníkus deyr, mögulega myrtur. Agrippína eldri, ekkja hans, gengur í lið með Öldungaráðsmönnum gegn Sejanusi, yfirmanni varðliðs keisarans (sem bar kannski ábyrgð á dauða Germaníkusar f.h. Tíberíusar).
23		Sejanus stefnir mönnum fyrir drottinsvik. Pliníus eldri fæðist.
26		Tíberíus flytur til Kaprí og snýr aldrei aftur til Rómar.
29		Agrippína eldri gerð útlæg, en synir hennar handteknir.
30/33		Jesús krossfestur.
31		Tíberíus skipar Öldungaráðinu að taka Sejanus af lífi.
33		Agrippína sveltur til dauða í útlegð.
37		Tíberíus deyr á Kaprí. Kaligúla, sonur Germaníkusar, gerður að keisara.
39-40		Gyðingurinn og lærdómsmaðurinn Philó frá Alexandríu sækir Róm heim að flytja mál sitt fyrir Kaligúlu.
41		Kaligúla veginn. Kládíus gerður að keisara. Seneka sendur í útlegð til Korsíku.
43		Rómverjar herja á Breta.
46-57		Páll postuli fer í þrjá trúboðsleiðangra til landanna austanvert við Miðjarðarhafið.
48		Messalína, kona Kládíusar, myrt. Var talin skipuleggja valdarán.
49		Kládíus kvænist Agrippínu yngri, móður Nerós, og rekur Gyðinga frá Róm. Seneka kallaður heim úr útlegð að kenna hinum unga Neró.
54		Kládíus myrtur, trúlega að undirlagi Agrippínu. Neró verður keisari.
59		Neró lætur myrða Agrippínu móður sína.
61		Bófríður Bretabeib gerir uppreisn gegn Rómversku herliði. Pliníus yngri fæðist.
64		Róm brennur. Neró skellir skuldinni á kristna menn og lætur ofsækja þá. Páll postuli í Róm 61-3.
65		Neró talinn valdur að dauða Poppeu konu sinnar. Samsæri gegn honum misheppnast og Seneka og aðrir neyddir til að svipta sig lífi.
66		Uppreisn Gyðinga gegn Rómverjum hefst og stendur til 70. Vespasíanus herforingi sendur til að kveða hana niður.
67		Gyðingaleiðtoginn Jósefus gefur sig á vald Rómverjum við Jotapata.
68		Öldungaráðið lýsir Neró óvin ríkisins sem verður til þess að hann sviptir sig lífi: Þvílíkur listamaður fellur hér. Með Neró deyr út ættarveldi Ágústusar. Galba gerður að keisara.
69		Ár hinna fjögurra keisara: Hershöfðingjar Rómar berjast um völdin, Galba myrtur, Ottó og Vítellus verma keisarastólinn skamma stund. Loks er það Vespasían sem útnefndur er keisari og hann kemur á veldi Flavína.
70		Jerúsalem fellur og musteri Gyðinga eyðilagt, en þar er á ferðinni Títus, sonur Vespasíanusar keisara. Markusarguðspjallið ritað
73		Rómverskur her nær Masadavirki á sitt vald eftir langt umsátur.
79		Vespasíanus deyr eðlilegum dauðdaga. Títus tekur við keisaratigninni. Eldfjallið Vesúvíus við Napólíflóa gýs og vikur þess og gjall leggur borgina Pompei og Herkúlaneum í eyði. Pliníus eldri deyr.
80		Hringleikhús Flavína, Kóloseum, fullbyggt.
81		Títus veikist og deyr, en bróðir hans, Dómitíanus, verður keisari.
90		Guðspjöll Lúkasar og Matteusar rituð. Opinberunarbók Jóhannesar og talin rituð á tímum ofsókna Dómitíanusar undir lok 1. aldar.
96		Dómitíanus myrtur. Flavínar útdauðir og nú taka við hinir svonefndu góðu keisarar: Nerva útnefndur keisari.
98		Nerva deyr. Trajanus gerður að keisari og hann ríkir allt til ársins 117.
100		Jóhannesarguðspjallið ritað.

Undirfyrirsögn síðunnar er fengin úr grein doktors Árna Daníels Júlíussonar, Pax Romana, sem birtist í Lesbók 20.08.05, en málsgreinin hljóðar svo:
Rómverjar reistu borgir, lögðu vegi og friðuðu að mestu þau landsvæði sem þeir lögðu undir sig. Þeir komu á fót miðstýrðu ríkisvaldi sem náði um gríðarlega stórt svæði, fjórar milljónir ferkílómetra, í þremur heimsálfum. Stærsti hluti Rómaveldis var þó í Evrópu, og Róm er víðáttumesta ríki sem þar hefur verið til.

HVAÐ VILTU ?

ÚR VEFNUM

Eldaðu ítalskt !!!
Oft er það einfaldleikinn sem blívur best og segja má að eitt af því sem einkennir ítalska matargerð sé sparleg notkun hráefnis og krydda.

Söguás: 1929
Mússolíní og Píus páfi XI. semja um réttarstöðu Páfagarðs sem sjálfstætt ríki innan ítalska ríkisins með samningi sem kenndur er við Lateran.

Hátíðir
Kjötkveðju-
hátíð er haldin í Róm svo til allan febrúarmánuð og nær hámarki á Martedí Grasso, sprengidag þeirra Ítala. Karnivalið virðist aðallega vera hátíð smáfólksins; telpurnar klæða sig upp í prinsessukjóla og strákarnir í ofurhetjubúninga.

Hver er maðurinn?
Silvio Berlusconi fv. forsætis-
ráðherra Ítalíu hóf ferilinn sem dægurlaga-söngvari á ferjum, en tók síðan að stunda viðskipti og sá sér þá hag í að stofna til vinfengis við stjórnmálamenn.

Feneyjar
Feneyjar eru reistar á mörgum hólmum og helsti ferðamáti íbúa innan borgarinnar hefur frá upphafi verið siglingar.

Upphaf klaustur-
lífs
Það féll í hlut Benedikts frá Núrsíu að stofna fyrstu munka-
regluna og ber hún nafn hans. Benedikt kom klaustri á laggirnar á Monte Cassino á Suður-Ítalíu.

Kaþólsk trú og lútersk
Ef kaþólskur maður bergir brauðið við altarisgöngu verður brauðið að holdi Krists í munni honum vegna þess að presturinn framkvæmir athöfnina fyrir hönd kirkjunnar.

Leonardo
Leonardo da Vinci er talinn einn mesti listamaður sögunnar. Hann fæddist í smábænum Vinci á Ítalíu um miðja 15. öldina og hefur æ síðan verið við þann bæ kenndur.

ÁBÓTINN SAGÐI ...

„Rómaborg er yfir öllum borgum, og hjá henni eru allar borgir að virða sem þorp, því að jörð og steinar og stræti öll eru roðin í blóði heilagra manna“.

- Nikulás ábóti
á Þverá, 12. öld.

ALLIR VEGIR TIL ...

Rómarvefurinn er helgaður sögu og menningu Ítalíu. Útgefandi er Mínerva - miðlun & útgáfa. Ritstjóri og aðalhöfundur efnis er Kristinn Pétursson. Allur réttur áskilinn © Rómarvefurinn anni MMI - MMX. Síðast uppfært 08.06.2010

Forsíða / Handbók / Hverfi / Ítalía © MMX Saga / Kirkja / Listir / Matur / Tenglar
Um vefinn / Efnisyfirlit / Hafa samband