„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu.
UMSAGNIR
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
OKTAVÍANUS HINN UNGI Oktavíanus var kjörsonur Júlíusar Sesars, en Öldungaráðið gaf honum nafnbótina Ágústus, hinn aðdáunarverði. Orðið „keisari“, sem síðan varð eitt af nafnbótum keisaranna, kemur frá nafni Sesars, Caesar.
Í janúar og febrúar 2003 sýndi SJÓNVARPIÐ nýja bandaríska heimildaþætti um lífið í Rómaveldi á fyrstu öldinni eftir Krist.
Á fyrstu öldinni e.Kr. er margt að gerast í Róm. Þetta er öld Ágústusar keisara, hins fyrsta raunverulega keisara Rómar - og kannski hins mesta, niðja hans og eftirmanna á keisarastóli, manna sem vildu allir meira eða minna taka hann sér til fyrirmyndar.
Þættirnir Rómaveldi á fyrstu öld koma frá PBS sjónvarpsstöðinni bandarísku og eru mjög vandaðir. Stöðin hefur komið upp söguvef sem tengist efni og gerð þáttanna þar sem hægt er að lesa sér (á ensku) til um daglegt líf Rómverja á þessum tíma, um Ágústínus keisara og margt fleira. Einnig er þarna að finna söguás sem gefur góða sýn yfir tímabilið, en þann söguás hefur RV þýtt og bætt nokkuð við.
Vel gerðir sögulegir sjónvarpsþættir eru fengur hverjum áhugamanni um mannkynssögu, pólitík og menningu almennt og því hlýtur RÓMARVEFURINN að mæla með þessum þáttum. Um leið minnum við á það efni um sögu og menningu Rómar sem finna má í vefnum, s.s um keisarana, leikvang Dómitíanusar keisara, Engilsborg, fyrrum grafhýsi Hadríanusar keisara og um kaþólsku kirkjuna og páfann, n.k. eftirmann keisaranna. Hér fyrir neðan er kynning Sjónvarpsins á fyrsta þættinum.
Rómaveldi á fyrstu öld Fyrir tvö þúsund árum, í upphafi fyrstu aldar, ríktu Rómverjar yfir heiminum. Í Rómaveldi þurftu menn að glíma við vandamál sem eru kunnugleg enn: Valdarán, morð, ofmetnað, borgarastríð, stétta- og kynjabaráttu og spurningar um frelsi einstaklinganna gagnvart valdstjórninni. En úr óreiðunni reis Rómaveldi sterkara og glæsilegra en nokkru sinni fyrr. Ríkið teygði sig frá Bretlandi í norðri suður til Afríku og frá Spáni í vestri austur til Asíu. Innan Rómaveldis voru töluð hundruð tungumála og iðkaður annar eins fjöldi trúarbragða og úr þeim fjölbreytta og frjósama jarðvegi óx vestræn siðmenning. Rómaveldi varð fyrsta og lífseigasta stórveldi sögunnar. Í heimildarmyndaflokknum sem sem Sjónvarpið sýnir nú á mánudagskvöldum er rakin saga keisaranna, þrælanna, skáldanna og smábændanna sem komu reglu á óreiðuna og mótuðu Rómaveldi á fyrstu öld.
Í fyrsta þættinum er sjónum beint að Ágústusi keisara sem var vinsæll meðal þegnanna en þversagnakenndur maður. Hann var í senn hrotti og ljúfmenni og þeir sem sviku hann, keppinautar hans, Markús Antoníus og Kleópatra, skáldið Óvíð og jafnvel Júlía dóttir hans, fengu að kenna á því.
Í öðrum þætti er sagt frá því að þegar Ágústus keisari dó, 14. eftir Krist, stóð Rómaveldi á krossgötum. Áttu Rómverjar að halda þeim kúrsi sem fyrsti keisari þeirra setti – eða hverfa aftur til fyrri hátta og leyfa ringulreiðinni að ríkja? Nýi keisarinn, Tíberíus, reyndi í fyrstu að líkja eftir forvera sínum en gafst fljótlega upp á því. Eftir hvarf hans af keisarastóli komst til valda einn alræmdasti drottnari hins forna heims, Kaligúla. Skelfing greip um sig í Rómaborg og kreppa hrjáði skattlöndin. Í Júdeu storkaði uppreisnarmaður að nafni Jesús hinu trúarlega og pólitíska valdi. Ólgan sem því fylgdi snerti lítið við Rómverjum en arfleifð Jesú átti seinna eftir að verða fyrirferðarmikil innan Rómaveldis.
Í þriðja þætti koma m.a. við sögu Kládíus sem tók keisaratign eftir að brjálsemin varð Kaligúla að falli en varð síðan fórnarlamb konu sinnar og spekingurinn Seneka sem kunni ekki fyllilega við sig í hlutverki læriföður Nerós keisara. Á Bretlandi gerði stríðsdrottningin Boadisea uppreisn gegn hersveitum Rómverja og byltingarmaðurinn Páll úr Júdeu breiddi út boðskap Jesú í löndum þeirra. Það hriktir í stoðum Rómaveldis í óstjórnartíð Nerós og minntu munar að borgin brenni til grunna.
Í fjórða og síðasta þætti segir frá því að eftir lát Nerós var óvíst í hvað stefndi í Rómaveldi og hershöfðingjar börðust um völdin á götum höfuðborgarinnar. Harðstjóri af nýrri keisaraætt settist í hásætið, Vesúvíus gaus og gróf Pompeii undir ösku og aur. Í lok fyrstu aldar færði Trajanus keisari enn út mörk Rómaveldis og hagur þegnanna vænkaðist. (Texti af www.ruv.is, febrúar 2003).
Skoðaðu söguás sem veitir þér yfirlit yfir atburði fyrstu aldar í Rómaveldi og lista yfir keisara fyrstu aldar. Lestu líka um skattlönd Rómverja og um heilsu þeirra hér í Rómarvefnum.
Eldaðu
ítalskt !!!
Oft er það einfaldleikinn sem blívur
best og segja má að eitt af því
sem einkennir ítalska matargerð sé sparleg
notkun hráefnis og krydda.
Söguás:
1929
Mússolíní og Píus páfi
XI. semja um réttarstöðu Páfagarðs
sem sjálfstætt ríki innan ítalska
ríkisins með samningi sem kenndur er við
Lateran.
Hátíðir
Kjötkveðju-
hátíð er haldin í Róm
svo til allan febrúarmánuð og nær
hámarki á Martedí Grasso,
sprengidag þeirra Ítala. Karnivalið virðist
aðallega vera hátíð smáfólksins;
telpurnar klæða sig upp í prinsessukjóla
og strákarnir í ofurhetjubúninga.
Hver
er maðurinn?
Silvio Berlusconi fv. forsætis-
ráðherra Ítalíu hóf ferilinn
sem dægurlaga-söngvari á ferjum, en
tók síðan að stunda viðskipti
og sá sér þá hag í að
stofna til vinfengis við stjórnmálamenn.
Feneyjar
Feneyjar eru reistar á mörgum hólmum
og helsti ferðamáti íbúa innan
borgarinnar hefur frá upphafi verið siglingar.
Upphaf
klaustur-
lífs
Það féll í hlut Benedikts frá
Núrsíu að stofna fyrstu munka-
regluna og ber hún nafn hans. Benedikt kom klaustri
á laggirnar á Monte Cassino á Suður-Ítalíu.
Kaþólsk
trú og lútersk
Ef kaþólskur maður bergir brauðið
við altarisgöngu verður brauðið að
holdi Krists í munni honum vegna þess að
presturinn framkvæmir athöfnina fyrir hönd
kirkjunnar.
Leonardo
Leonardo da Vinci er talinn einn mesti listamaður
sögunnar. Hann fæddist í smábænum
Vinci á Ítalíu um miðja 15. öldina
og hefur æ síðan verið við þann
bæ kenndur.
ÁBÓTINN
SAGÐI ...
„Rómaborg er
yfir öllum borgum, og hjá henni eru allar borgir
að virða sem þorp, því að jörð
og steinar og stræti öll eru roðin
í blóði heilagra manna“.
Skoða vefinn um 
MMX Saga /
Kirkja /
Listir /
Matur
/ Tenglar