„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu.
UMSAGNIR
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
2. púnverska stríðið var háð á árunum 218-201 f. Kr. Þar var barist um hvort Róm eða Karþagó yrði leiðandi afl á Miðjarðarhafi. Róm vann stríðið og varð á endanum að heimsveldi. Karþagó tapaði og var á endanum lögð í eyði.
HANNIBAL (247 f.Kr. - u.þ.b 183–181). Silfurpeningur sem talinn er geyma samtímamynd af herstjóra Karþagómanna, sleginn í Nýju Karþagó á austurströnd Spánar hvaðan Hannibal lagði upp í herförina til Ítalíu.
2. púnverska stríðið var háð á árunum 218-201 f. Kr. Þar mættust Róm og Karþagó, en þessi ríki höfðu leiðandi stöðu á vestanverðu Miðjarðarhafi. Veldi þeirra beggja jukust jafnt og þétt. Rómverjar lögðu undir sig Ítalíuskaga og Karþagómenn komu sér upp öflugu verslunarveldi.
Karþagó var upphaflega nýlenda Fönikíumanna en Rómverjar kölluðu þá Púnverja. Til að byrja með voru samskipti ríkjanna friðsamleg þar sem hagsmunir þeirra sköruðust lítið. Að lokum varð deila um Sikiley til þess að 1. púnverska styrjöldin braust út árið 264 f. Kr. Í henni gekk ýmislegt á, bæði á sjó og landi, áður en Rómverjar unnu loks sigur árið 241 f. Kr.
Eftir að Róm hafði unnið fyrsta púnverska stríðið árið 241 f. Kr. voru Karþagómönnum settir harðir friðarskilmálar. Þeir fólu í sér að Karþagómenn urðu að yfirgefa Sikiley, sem var orsök stríðsins, og allar eyjar á milli Ítalíu og Sikileyjar. Hvorki Rómverjar né Karþagómenn máttu ráðast á bandamenn hinna. Einnig áttu Karþagómenn að greiða Rómverjum háar stríðsskaðabætur eða sem námu 3.200 talentum á ári í tíu ár.
LEIÐIN LANGA Leið Hannibals og hers hans frá Nýju Karþagó á austurströnd Spánar 218 f.Kr. norður yfir Alpana, niður Ítalíuskaga og svo heim til Karþagó árið 203.
Karþagó átti ekki svo mikla peninga. Stríðið, sem stóð í 23 ár, hafði tæmt ríkissjóð borgarinnar og gátu Karþagómenn því ekki greitt hermönnum sínum mála. Fannst málaliðunum sem þeir hefðu verið illa sviknir og gerðu uppreisn sem var ekki kveðin niður fyrr en 237 f. Kr. Þótti þessi málaliðauppreisn mjög miskunnarlaus og grimm á báða bóga. Var hún kveðin niður af Hamilkar Barka sem hafði verið helsti herforingi Karþagómanna í 1. púnverska stríðinu. Sáu Rómverjar sér leik á borði og hótuðu Karþagómönnum stríði ef þeir létu ekki Sardiníu og Korsíku af hendi. Líklega hafa Rómverjar talið að Ítalíu hafi verið ógnað með veru Karþagómanna þar. Var 1.200 talentum bætt við stríðsskaðabæturnar sem Karþagó þurfti að greiða Rómverjum. Má telja fullvíst að þetta háttalag Rómverja hafi vakið mikla reiði í Karþagóborg. Hærri stríðsskaðabætur þýddu að Karþagómenn þurftu að leggja undir sig landsvæði sem væri auðugt.
Afréðu þeir því að senda Hamilkar Barka með herlið til Spánar árið 237 f. Kr. til að tryggja yfirráð Karþagómanna þar. Með í för voru tengdasonur hans Hasdrúbal og sonur hans Hannibal sem var þá 9 ára. Eyddi Hamilkar þar næstu níu árum í að tryggja yfirráð Karþagómanna yfir suður- og austurhluta landsins. Karþagómenn höfðu gríðarlegar tekjur af Spáni, sem komu sér vel við að greiða stríðsskaðabæturnar. Staðsetning landsins hefur einnig verið talin til bóta ef kæmi til annars stríðs við Rómverja. Spánverjar reyndust einnig vera ágætis mannafli í her Karþagómanna. Þegar Hamilkar lést 229 f. Kr. tók tengdasonur hans, Hasdrúbal, við. Hann reyndist vera dugandi stjórnandi. Stofnsetti hann borgina Carthago Nova, eða Nýju Karþagó, sem heitir í dag Cartagena, og varð hún stjórnstöð Karþagómanna á Spáni.
Árið 226 f. Kr. urðu Rómverjar varir við það að Hasdrúbal hafði „farið langt með að búa til stærra og illviðráðanlegra veldi en Karþagó hafði áður haft undir höndum“ og ákváðu að nú væri tími til að taka í taumana. Í þetta sinn töldu Rómverjar að sér væri ekki stætt á því að hóta styrjöld við Karþagómenn því að Keltar (Gallar) í Pódalnum, öðru nafni Gallíu Císalpínu, voru farnir að láta ófriðlega. Var því send sendinefnd til Hasdrúbals til að leita samninga. Varð úr að Hasdrúbal samþykkti að Karþagómenn myndu ekki halda yfir ána Ebró á Spáni undir vopnum. Engar heimildir benda hins vegar til þess að Rómverjum hafi verið bannað að flytja herstyrk sinn suður fyrir Ebró.
Hasdrúbal var myrtur árið 221 f. Kr. Í hans stað var valinn Hannibal, sonur Hamilkars Barka. Hann var þá 25 ára. Bæði Pólybíus og Livíus halda því fram að frá fyrsta degi hafi það verið ætlan hans að heyja stríð við Rómverja. Hannibal byrjaði á því að treysta stöðu sína á Spáni. Brátt var allur Pýreneaskagi sunnan árinnar Ebró á valdi Karþagómanna með einni undantekningu því að borgin Sagúntum hafði gert verndarsamning við Rómverja. Höfðu borgarbúar, sem töldu sér ógnað af Hannibal, sent mörg boð til Rómverja til þess að vara þá við vaxandi veldi Karþagómanna á Spáni. Sagúntverjar tóku að hlutast til um málefni nágranna sinna í krafti bandalagsins við Rómverja. Var Hannibal þá nóg boðið. Veturinn 220-219 f. Kr. dvaldi Hannibal með herliði sínu í Nýju Karþagó. Tók hann um veturinn á móti sendinefnd frá Rómverjum sem sagði Hannibal að láta Sagúntum í friði og að fara ekki norður yfir ána Ebró. Hannibal sagði þeim að hann væri að vernda hagsmuni Sagúntum fyrir Rómverjum. Fór sendinefndin aftur til Rómar og virtist þeim sem að stríð væri óumflýjanlegt.
Hannibal ákvað um vorið 219 f. Kr. að setjast um Sagúntum. Stóð umsátrið yfir í átta mánuði. Rómverjar hreyfðu hvorki legg né lið til þess að hjálpa bandamanni sínum á meðan. Sendinefnd var að vísu send til Karþagó til þess að heimta að Hannibal yrði framseldur til Rómverja og að Sagúntum yrði látin í friði. Þeim kröfum var hafnað. Eftir fall borgarinnar var önnur sendinefnd send til Karþagó. Sendiboði Rómverja bauð Karþagómönnum stríð eða frið. Stríð varð fyrir valinu.
Eldaðu
ítalskt !!!
Oft er það einfaldleikinn sem blívur
best og segja má að eitt af því
sem einkennir ítalska matargerð sé sparleg
notkun hráefnis og krydda.
Söguás:
1929
Mússolíní og Píus páfi
XI. semja um réttarstöðu Páfagarðs
sem sjálfstætt ríki innan ítalska
ríkisins með samningi sem kenndur er við
Lateran.
Hátíðir
Kjötkveðju-
hátíð er haldin í Róm
svo til allan febrúarmánuð og nær
hámarki á Martedí Grasso,
sprengidag þeirra Ítala. Karnivalið virðist
aðallega vera hátíð smáfólksins;
telpurnar klæða sig upp í prinsessukjóla
og strákarnir í ofurhetjubúninga.
Hver
er maðurinn?
Silvio Berlusconi fv. forsætis-
ráðherra Ítalíu hóf ferilinn
sem dægurlaga-söngvari á ferjum, en
tók síðan að stunda viðskipti
og sá sér þá hag í að
stofna til vinfengis við stjórnmálamenn.
Feneyjar
Feneyjar eru reistar á mörgum hólmum
og helsti ferðamáti íbúa innan
borgarinnar hefur frá upphafi verið siglingar.
Upphaf
klaustur-
lífs
Það féll í hlut Benedikts frá
Núrsíu að stofna fyrstu munka-
regluna og ber hún nafn hans. Benedikt kom klaustri
á laggirnar á Monte Cassino á Suður-Ítalíu.
Kaþólsk
trú og lútersk
Ef kaþólskur maður bergir brauðið
við altarisgöngu verður brauðið að
holdi Krists í munni honum vegna þess að
presturinn framkvæmir athöfnina fyrir hönd
kirkjunnar.
Leonardo
Leonardo da Vinci er talinn einn mesti listamaður
sögunnar. Hann fæddist í smábænum
Vinci á Ítalíu um miðja 15. öldina
og hefur æ síðan verið við þann
bæ kenndur.
ÁBÓTINN
SAGÐI ...
„Rómaborg er
yfir öllum borgum, og hjá henni eru allar borgir
að virða sem þorp, því að jörð
og steinar og stræti öll eru roðin
í blóði heilagra manna“.
MMX Saga /
Kirkja /
Listir /
Matur
/ Tenglar