...Svik
& prettir

Það er þekkt „truffa“ (svindl) og sígild í Róm, og víst víðar á Ítalíu, að óprúttnir stoppi ferðamenn í nafni laganna og biðji t.d. um að fá að skoða ofan í seðlaveskin undir því yfirskini að þeir séu að gæta öryggis þeirra í því að þeir hafi nú ekki of mikla peninga meðferðis á göngu sinni um borgina (!). Og það er að sjálfsögðu ekki að því að spyrja að eftir slíka skoðum er engin hætta á því að viðkomandi ferðamaður eigi hættulega mikla peninga í veskinu þegar upp á hótel er komið og hann ætlar að koma hýrunni fyrir á öruggum stað. Annað þekkt bragð er til þess að koma stolnum vörum í verð. Þá er ferðamaður t.d. stoppaður af ökumanni og beðinn um að vísa sér leiðina að Péturstorginu. Það veitist fæstum ferðamönnum erfitt og í þakklætisskini gefur bílstjórinn ferðamanninum ný föt eða eitthvað álíka sem hann er með hjá sér vegna þess að hann „er verslunarstjóri Valentínó í París“ eða eitthvað álíka. Þegar ferðamaðurinn er búinn að þyggja hinn stolna varning biður bílstjórinn hann vænstan um að hjálpa sér með nokkrar lírur fyrir bensíni ...