„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu.
UMSAGNIR
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
Ítalskur „bar“, eins og hann kallast, er fyrst og fremst kaffibar. Þar eru þó seldir brenndir drykkir, vín og bjór, en líka samlokur og jafnvel heitu r matur.
Kaffibarinn er ríkur þáttur í lífi Ítala. Hjá mörgum er hann viðkomustaður á leið í vinnu eða skóla snemma á morgnana, börn eru send þangað eftir mjólk eða hafa fengið pening fyrir ís, aðrir leita þangað eftir strætómiðum. Þegar dagur er að kveldi kominn koma margir við á barnum sínum og fá fordrykk að matnum sem heima bíður. Kaffibarinn er n.k. sjoppa þeirra Ítala, hvergi langt í næsta bar.
Borga fyrst Oft er það þannig á kaffibörunum, en þó ekki algilt, að panta fyrst og borga við kassann og bíða svo eftir afgreiðslu við barinn. Þegar röðin er kominn að manni réttir maður kaffiafgreiðslumanninum strimilinn (scontrino) og segir hvernig maður vill kaffið sitt. Það getur hins vegar flýtt fyrir afgreiðslunni að leggja smápening á strimilinn á meðan beðið er.
Hvernig kaffi? Kaffi á Ítalíu er drukkið á marga vegu, en algengast cafè normale, espresso kaffi með tveimur skeiðum af sykri út í og oft gott betur. Þar eð kaffibollinn er nú ekki stór og venjulega staðið við barinn (bancone) þegar hann er drukkinn, þá er ekki staldrað lengi við. Því er ekki að undra að Ítalir „taki“ sér kaffi (prendere caffè), því það hljómar einhvern veginn flótlegra en að drekka það. Stundum eru menn svo mikið að flýta sér að þeir vilja kaffið sitt tepido, volgt, svo þeir þurfi ekki að bíða eftir því að það kólni.
caffé
espresso, líka kallað stretto, oftast drukkið með miklum sykri.
caffé lungo
stærri skammtur af espresso, oft drukkið í glasi.
caffé macchiato
espesso með mjólkurslettu (þ.e. "blettað").
caffé latte
espresso í glasi, fyllt upp með flóaðri mjólk; mjólkurkaffi.
cappuccino
espresso með mjólkurfroðu, sérstaklega drukkið í morgunmat.
latte macchiato
flóuð mjólk með kaffislettu.
caffé americano
daufara, líkt og við drekkum það
Meðlætið Venjan er að drekka kaffið við barinn, al banco, og þá kostar það minna en þegar sest er niður við borð. Auk kaffisins bjóða allir kaffibarir upp á sætabrauð og enskar samlokur sem ítalir kalla tramezzino, en víða má líka kaupa heitan mat, ís, sælgæti og nasl. Ítalir eru fyrir snöggan og sætan árbít; cornetto og cappuccino vinsælast. Cornetto er hin ítalska útgáfa þess brauðmetis sem við köllum smjördeigshorn. Oftast er það borðað með slúkkulaði- eða marmelaðifyllingu, en vilji maður það hreint og ómengað er það kallað saltað, salato. Svo kjamsa menn líka á allskyns rjómabollum þetta í morgunsárið og allt gleypt í sig standandi við barinn.
Varstu að fá þér könnu? Það er ágætt húsráð þegar ný kaffikanna er tekin í notkun (espressokannan ítalska sem allir þekkja og kölluð er la mocca), að hella uppá hana en drekka ekki kaffið heldur láta kólna í könnunni og geyma svo í kæli yfir nótt. Þetta er gert til að fá málminn til að taka í sig kaffiolíuna. Eftir því sem oftar er svo helt uppá, þeim mun betra verður kaffið. Aldrei má þvo kaffikönnuna upp úr sápu.
Helt upp á mokkakönnu á hellu Til að búa til gott espressókaffi án þess að eiga espressóvél er einfaldast að nota mokkakönnu. Kalt vatn er sett í neðsta hluta könnunar, en varast ber að vatnið fari ekki upp fyrir öryggisventilinn. Miðlungsmalað kröftugt kaffi er sett í sigtið og kannan síðan sett á eldavélahellu og hitinn stilltur á næsthæsta straum. (www.kaffitar.is)
Kaffi með heimilisespressóvél Espressóvélar sem ætlaðar eru til heimilisnota eru mismunandi. Bestu vélarnar eru ekki endilegar dýrastar eða flottastar í útliti. Það sem mestu máli skiptir er að þær séu með góðan þrýsting og hitinn á vatninu sé á bilinu 89°C-92°C. Góðar heimilisvélar eru þær sem allir geta lært á heimafyrir. Þær ná fram alveg ljómandi espressóskoti, með þykkri og góðri kaffifroðu. Einnig á að vera einfalt að freyða mjólkina, best er þá að nota stál freyðikönnu og kalda mjólk. (www.kaffitar.is)
Eldaðu
ítalskt !!!
Oft er það einfaldleikinn sem blívur
best og segja má að eitt af því
sem einkennir ítalska matargerð sé sparleg
notkun hráefnis og krydda.
Söguás:
1929
Mússolíní og Píus páfi
XI. semja um réttarstöðu Páfagarðs
sem sjálfstætt ríki innan ítalska
ríkisins með samningi sem kenndur er við
Lateran.
Hátíðir
Kjötkveðju-
hátíð er haldin í Róm
svo til allan febrúarmánuð og nær
hámarki á Martedí Grasso,
sprengidag þeirra Ítala. Karnivalið virðist
aðallega vera hátíð smáfólksins;
telpurnar klæða sig upp í prinsessukjóla
og strákarnir í ofurhetjubúninga.
Hver
er maðurinn?
Silvio Berlusconi fv. forsætis-
ráðherra Ítalíu hóf ferilinn
sem dægurlaga-söngvari á ferjum, en
tók síðan að stunda viðskipti
og sá sér þá hag í að
stofna til vinfengis við stjórnmálamenn.
Feneyjar
Feneyjar eru reistar á mörgum hólmum
og helsti ferðamáti íbúa innan
borgarinnar hefur frá upphafi verið siglingar.
Upphaf
klaustur-
lífs
Það féll í hlut Benedikts frá
Núrsíu að stofna fyrstu munka-
regluna og ber hún nafn hans. Benedikt kom klaustri
á laggirnar á Monte Cassino á Suður-Ítalíu.
Kaþólsk
trú og lútersk
Ef kaþólskur maður bergir brauðið
við altarisgöngu verður brauðið að
holdi Krists í munni honum vegna þess að
presturinn framkvæmir athöfnina fyrir hönd
kirkjunnar.
Leonardo
Leonardo da Vinci er talinn einn mesti listamaður
sögunnar. Hann fæddist í smábænum
Vinci á Ítalíu um miðja 15. öldina
og hefur æ síðan verið við þann
bæ kenndur.
ÁBÓTINN
SAGÐI ...
„Rómaborg er
yfir öllum borgum, og hjá henni eru allar borgir
að virða sem þorp, því að jörð
og steinar og stræti öll eru roðin
í blóði heilagra manna“.
MMX Saga /
Kirkja /
Listir /
Matur
/ Tenglar