„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu.
UMSAGNIR
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
Gian Lorenzo Bernini (1598-1680) kom frá Napólí. Hann var myndhöggvari, arkitekt og leikmyndasmiður. Hann var sonur virts myndhöggvara og fékk hjá honum þá góðu listþjálfun og sambönd sem þurfti til frama.
Ungur að árum var hann farinn að gera heildstæð verk. Ellefu ára gamall gerði hann marmarastyttu af geitinni Almanteu og Seifi; tvítugur að aldri gerir hann marmara styttu af Davíð. Margir þekktir listamenn fyrri tíma höfðu glímt við að lýsa Davíð er hann gengur á hólm við Golíat. Berníní tekst á áhrifamikinn hátt að túlka þá stund er Davíð mundar slönguna af mikilli einbeitingu, hreyfing líkamans í snúningnum, spenntir vöðvar og kröftugleg einbeiting andlitsins myndar trúverðuga samfellda heild. Í byggingalist og höggmyndalist Bernínís sameinast mikið hugmyndaflug og tæknilegir yfirburðir í útfærslu. Höggmyndirnar eru kraftmiklar og lifandi og hugsaðar þannig að þær njóti sín frá öllum hliðum. Berníní var snillingur í gerð mannamynda og ber þar helst að nefna brjóstmynd af Constönzu Buonarelli sem hann gerði 1635. Myndin er jafn lifandi og óhefðbundin og önnur bestu verk Berníní. Hann stillir fyrirmyndunum ekki mikið upp heldur hefur þær þannig að persónueinkenni koma vel fram.
FJÓRFJLÓTABRUNNUR Stórfenglegt höggmyndaverk barokkmeistarans Bernínís á Navónutorgi í Róm frá því um miðja 17. öld.
Berníní var yfirlýstur aðalarkitekt páfa og hirðmálari. Hann tók virkan þátt í endurskipulagningu Rómaborgar. Á þeim tíma er hann starfaði fyrir Páfastól voru sjö páfar við völd og á tímabili var hann byggingarmeistari Péturskirkjunnar. Helsta og stærsta verk er hann gerði fyrir páfa var hönnun torgs og súlnaganga fyrir framan Péturskirkjuna í Róm sem átti að standa fyrir móðurfaðm kirkjunnar.
Í verkinu Algleymi heilagrar Teresu sem Berníní gerði á árunum 1645-52 í Cononaro kapellunni í kirkju heilagrar Maríu sigursins, Santa Maria della Vittoria, í Róm koma saman helstu einkenni Berníní. Þar sem honum tekst svo ótrúlega vel að túlka hvort tveggja í senn kvöl og sælu. Í verkið notar Berníní bæði tré, gifs, gull og marmara. Verkið er helgað heilagri Teresu sem var spænsk nunna, það segir frá lýsingu hennar af dulrænni reynslu. Sagan segir frá því þegar engill Guðs stakk hana í hjartastað með logandi gullör og olli henni bæði þjáningu og sælu. Öfgafullum svipbrigðum sem þessum hafði aldrei áður verið lýst á jafn magnþrunginn hátt. Verkið er unnið í marmara og er ótrúlegt hvernig hann nær að mynda bogadregnar og ávalar fellingar sem flaksa og fjúka um og mynda spennu og léttleika. Myndin virðist svífa innan um vel afgirt altarið og ljósið hefur stórt hlutverk er það fellur á magnþrunginn hátt á höggmyndina.
ALGLEYMI HEIL. TERESU Þessa mynd, sem er um 3,5 m á hæð, hjó Berníní í marmara á árunum 1645-52 og er hana að finna í kirkjunni Santa Maria della Vittoria í Róm.
Andspænis þessu verki útbjó Berníní áhorfendur, en það var Cornaro fjölskyldan sem kostað hafði verkið. Þar sitja þau í stúku og horfa á dýrlinginn. Verkið er svo fullkomnað með organleik, messusöng og reikelsisilmi sem einkennir kaþólska messugjörð. Þegar allt þetta helst í hendur er sem mikilfengleg leiksýning eigi sér stað. Áhorfendur eru dregnir inn í atburðarás þar sem blekkingin er alsráðandi.
Nokkrum árum seinna gerði Berníní annað kirkjuverk, Hásæti Péturs postula. Þar vinnur hann með sporöskjulaga form sem þá var nýlunda. Hér spila birtuformin saman og engu líkara er að birtan verði efniskennd. Margvísleg efnisnotkun hans undirstrikar hleðslustílinn en fílabeinið utan um gluggann myndar skrautlegan ramma. Berníní var virkur listamaður til síðasta dags á sinni löngu æfi. Hann skildi eftir sig ótal listaverk og byggingar. Áhrif Bernínís breiddust út og listamenn um alla álfuna tóku að stæla stílbrögð hans.
Í FRÉTTUM VAR ÞETTA HELST ...
Mbl.is 23.10.2002 Sannleikurinn færður úr lífstykkinu Hugmyndir manna um siðgæði taka stöðugt breytingum. Þannig þótti það ekki tiltökumál þegar ítalski myndhöggvarinn Gian Lorenzo Berníní, sem uppi var á 17. öld, hjó út myndir af Kærleikanum og Sannleikanum í Da Sylva kapellunni í dómkirkju heilags Ísidórs í Róm. Árið 1863 töldu ítalskir trúarleiðtogar að nakin brjóstin á höggmyndinni særðu siðferðiskennd fólks. Var því ákveðið að færa konumyndirnar í lífstykki úr bronsi.
Eldaðu
ítalskt !!!
Oft er það einfaldleikinn sem blívur
best og segja má að eitt af því
sem einkennir ítalska matargerð sé sparleg
notkun hráefnis og krydda.
Söguás:
1929
Mússolíní og Píus páfi
XI. semja um réttarstöðu Páfagarðs
sem sjálfstætt ríki innan ítalska
ríkisins með samningi sem kenndur er við
Lateran.
Hátíðir
Kjötkveðju-
hátíð er haldin í Róm
svo til allan febrúarmánuð og nær
hámarki á Martedí Grasso,
sprengidag þeirra Ítala. Karnivalið virðist
aðallega vera hátíð smáfólksins;
telpurnar klæða sig upp í prinsessukjóla
og strákarnir í ofurhetjubúninga.
Hver
er maðurinn?
Silvio Berlusconi fv. forsætis-
ráðherra Ítalíu hóf ferilinn
sem dægurlaga-söngvari á ferjum, en
tók síðan að stunda viðskipti
og sá sér þá hag í að
stofna til vinfengis við stjórnmálamenn.
Feneyjar
Feneyjar eru reistar á mörgum hólmum
og helsti ferðamáti íbúa innan
borgarinnar hefur frá upphafi verið siglingar.
Upphaf
klaustur-
lífs
Það féll í hlut Benedikts frá
Núrsíu að stofna fyrstu munka-
regluna og ber hún nafn hans. Benedikt kom klaustri
á laggirnar á Monte Cassino á Suður-Ítalíu.
Kaþólsk
trú og lútersk
Ef kaþólskur maður bergir brauðið
við altarisgöngu verður brauðið að
holdi Krists í munni honum vegna þess að
presturinn framkvæmir athöfnina fyrir hönd
kirkjunnar.
Leonardo
Leonardo da Vinci er talinn einn mesti listamaður
sögunnar. Hann fæddist í smábænum
Vinci á Ítalíu um miðja 15. öldina
og hefur æ síðan verið við þann
bæ kenndur.
ÁBÓTINN
SAGÐI ...
„Rómaborg er
yfir öllum borgum, og hjá henni eru allar borgir
að virða sem þorp, því að jörð
og steinar og stræti öll eru roðin
í blóði heilagra manna“.
Gian Lorenzo Bernini (1598-1680) kom frá Napólí. Hann var myndhöggvari, arkitekt og leikmyndasmiður. Hann var sonur virts myndhöggvara og fékk hjá honum þá góðu listþjálfun og sambönd sem þurfti til frama.
MMX Saga /
Kirkja /
Listir /
Matur
/ Tenglar