Vegalengdir algengra hlaupaleiða LHF. Oftast er hlaupið
frá Sundlaug Vesturbæjar. Vegalengdir námundaðar
að fallegri tölu, en nákvæmari kílómetrafjöldi
síðast í leiðarlýsingu. Gísli
GPS-mældi. Góða ferð!
HVAÐ HLJÓP
ÉG? Gott að vita vegalengdina sem hlaupin
er til að vita hversu hratt var hlaupið.
Viktorshringur 17,5
km
Frá Vesturbæjarlaug norður að Sæbraut,
meðfram sjónum inn Túnin og brúna yfir
Kringlumýrarbraut, Laugardal ...
(GPS mæling í apríl 2003: 17,54 km).
Vesturbær - Fossvogur 16
km
Frá Vesturbæjarlaug, Ægisíðu út
í Nauthólsvík, inn Fossvogsdal að Víkingsheimili
og sömu leið til baka. (GPS mæling í apríl
2003: 16,17 km).
Kassagerðarhringur u.þ.b. 16
km
Frá Vesturbæjarlaug, Hofsvallagötu, Geirsgötu,
Sæbraut, Dalbraut, Laugarásveg, Sunnuveg, Engjaveg,
Grensásveg og brúna yfir Miklubraut, Eyrarland,
Fossvogsveg, Nauthólsvík, Ægisíðu
að sundlaug.
Grensáshringur u.þ.b. 15
km
Frá Vesturbæjarlaug, Ægisíðu,
Nauthólsvík og göngubrúna yfir Kringlumýrarabraut,
áfram Fossvogsveg, Eyrarland, Grensásveg og þá
brúna yfir Miklubraut, Laugardal, Borgartún, Skúlagötu,
Geirsgötu, Ægisgötu og loks Hofsvallagötu
að sundlaug.
Nes - miðbær 14 km
Frá Vesturbæjarlaug, Nesveg að Eiðistorgi,
Suðurströnd og út nesið út fyrir
golfvöll, Norðurströnd inn í Ánanaust,
Mýrargötu, Geirsgötu, Lækjargötu,
Fríkirkjuveg og áfram með Hljómskálagarðinum
að Hringbraut, suður Hofsvallagötu að sundlaug.
Öskjuhlíðarhringur meiri
13 km
Vesturbæjarlaug, Ægisíða út í
Nauthólsvík, áfram neðan kirkjugarðs
að Kringlumýrarbraut, upp Suðurhlíð
að Perlunni, niður hitaveitustokk, Flugvallarveg og
Hlíðarfót niður í Nauthólsvíkina
aftur og þaðan til baka meðram ströndinni
um Ægisíðu að sundlaug. (GPS mæling
í apríl 2003: 12,84 km).
Öskjuhlíðarhringur minni 10
km
Vesturbæjarlaug, Ægisíða út í
Nauthólsvík, áfram neðan kirkjugarðs
að Kringlumýrarbraut, upp Suðurhlíð
að Perlunni, niður hitaveitustokk, Bústaðaveg
fram hjá Valsheimili, Vatnsmýrarveg, Hringbraut
og Hofsvallagötu að sundlaug. (GPS mæling í
apríl 2003: 10,11 km).
Öskjuhlíðartempó (endað við
Faxaskjól) 8,25
km
Frá Nauthól (kaffihúsi), áfram niður
fyrir kirkjugarð að Kringlumýrarbraut, upp Suðurhlíð
að Perlu, niður hitaveitustokk, stíginn suður
og austur niður í Nauthólsvík og til
baka að skolpdælustöð í Skerjafirði
og þaðan stíginn vestur um Skerjafjörð
og Ægisíðu að Faxaskjóli.
Skerjafjarðartempó 7,5 km
Frá Skerjaveri, að skolpdælustöð við
Skerjafjörð, vestur stíginn að Ægisíðu,
Nesveg að Eiðistorgi, Suðurströnd, Lindarbraut,
Norðurströnd að blómabúð á
Eiðistorgi.
Öskjuhlíðartempó 6
km
Frá Nauthól (kaffihúsi) inn Nauthólsvíkina
að Kringlumýrarbraut, upp Suðurhlíð
að Perlunni, niður hitaveitustokk, Flugvallarveg og
Hlíðarfót aftur niður í Nauthólsvík
og svo meðfram ströndinni að skolpdælustöð
í Skerjafirði. (GPS mæling í apríl
2003: 5.98 km).
Upphitun fyrir spretti á Ægisíðu
4 km
Vesturbæjarlaug, Hofsvallagata, Hringbraut, Suðurgata
suður í Skerjafjörð og sjávarstígur
að bekk við upphaf spretta. (GPS mæling í
apríl 2003: 4,1 km).
Skokk eftir spretti á Ægisíðu 4
km
Ægisíða, Nesvegur, Eiðistorg (bílastæði),
Eiðsgrandi, Hringbraut og niður Hofsvallagötu að
sundlaug. (GPS mæling í okt. 2003: 3,80 km).
Nessprettur 3,22
km
Hringurinn byrjar og endar við strætóskýlið
framan við Neslaugina. Hlaupin er Suðurströndin,
Lindarbraut, Norðurströnd og aftur upp Suðurströndina
við Eiðistorg.
