| |
|
| |
|
 |
LEITA
í VEFNUM |
 |
|
|
| |
| Sláðu inn það
efnisorð sem þú hefur áhuga
á að fræðast um í Rómarvefnum. |
|
|
|
NÝTT
í VEFNUM |
|
|
|
 |
|
08.05.09 Mussolini
og launsonurinn. Lesa
17.05.07 Nokkrir góðir punktar um eitt og
annað sem hægt er að gera í Róm.
Lesa
15.05.07 10 staðir í Róm sem koma þér
í beint samband við fornöldina. Lesa
04.11.06 Vínframleiðsla á Sikiley er
mikil og hefur stórbatnað síðustu árin.
Lesa
02.09.06 Bottega dei vini er vínsetur vert að
heimsækja í Verónu. Lesa |
|
|
FERÐAVEFIR |
|
|
|
| |
|
|
SKÁLDIÐ
SAGÐI ... |
|
|
|
„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu. |
|
|
|
UMSAGNIR |
|
|
|
 |
|
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
Meira |
|
|
| |
|
|
| | RÓMVERSK-KAÞÓLSKA KIRKJAN | | | Tórínó líkklæðið | | | Sagan segir að klæðinu hafi verið vafið utan um
jarðneskar leifar Krists þegar hann var tekinn
niður af krossinum á Hausaskeljastað. | |
 | | KRISTUR? Hluti myndarinnar á framhlið líkklæðisins frá Tórínó. | Klæði það sem trúaðir segja líkklæði Krists hefur um aldir verið geymt í Tórínóborg. Á klæðinu er dauf mannsmynd sem sögð er vera af Jesú og er helgi þess ekki síst tilkomin vegna þessa. En, mynd þessi er ekki óumdeild og hefur því verið mikið rannsökuð.
Nýjar rannsóknir, sem farið hafa fram á líkklæðinu frá Tórínó, hafa enn aukið á dulúðina, sem umlukið hefur þetta umdeilda klæðisplagg. Mynd af andliti sést á klæðinu, sem margir hafa viljað meina að væri ásjóna Jesú Krists sjálfs, en sagan segir að klæðinu hafi verið vafið utan um jarðneskar leifar hans þegar hann var tekinn niður af krossinum á Hausaskeljastað. Ekki eru þó allir þessarar trúar.
En nú gerast undur mikil því að samkvæmt því sem segir á vef BBC hefur önnur andlitsmynd sést í klæðinu bakatil, skv. fréttum frá Eðlisfræðistofnun Lundúna. Bakhlið klæðisins hefur verið hulin augum manna síðan árið 1534 þegar nunnur saumuðu efnisdúk á hana eftir að klæðið hafði skemmst í bruna. Dúknum var svipt af árið 2002 og þegar prófessor við Háskólann í Padúa, Giulio Fanti, sá daufa andlitsmynd á ljósmyndum, sem honum voru færðar af klæðinu, ákvað hann að rannsaka málið nánar.
Hann segir myndina afar daufa en á henni sjáist þó m.a. nef, augu, hár og skegg. Myndin sé aðeins frábrugðin myndinni á framhliðinni. Prófessor Fanti vísar á bug fullyrðingum um að myndin á bakhliðinni staðfesti að um svikna vöru sé að ræða, málningin eða liturinn hafi farið í gegn. Hann segir svo það af og frá.
Kolefnistrefjarannsókn, sem gerð var á klæðinu frá Tórínó árið 1979 og síðan aftur 1988 benti þó til að um svikna vöru væri að ræða. Vísindamenn frá þremur háskólum komust að þeirri niðurstöðu að það væri frá því árið 1260 til 1390, sem er allfjarri dánarári Krists.
Frá því að rannsóknirnar fóru fram hafa verið upp efasemdir um áreiðanleika kolefnisrannsóknanna og árið 1997 staðhæfði svissneskur fornleifafræðingur, sem varið hafði sextán árum ævi sinnar í að rannsaka klæðið, að nýjar rannsóknir hefðu sýnt fram á að það væri án alls vafa ósvikið.
- Mbl.is sagði frá 13.4.2004 og byggði á BBC.
Mbl.is 27.1.2005
Líkklæðið frá Tórínó sagt eldra
en áður var talið
Líkklæðið frá Tórínó er mun eldra en fyrri rannsóknir hafa bent til. Þetta er niðurstaða nýrrar rannsóknar sem birt er í tímaritinu Thermochimica Acta en samkvæmt henni er líkklæðið 1300-3000 ára gamalt. Höfundur skýrslunnar vísar á bug niðurstöðum kolefnisrannsókna sem gerðar voru 1988 og bentu til þess að um væri að ræða fölsun frá miðöldum. Á líkklæðinu sjást óljósar útlínur blóðugs manns og hafa sumir talið að um sé að ræða líkklæði Krists.
Fram kemur á fréttavef BBC, er haft eftir efnafræðingnum Raymond Rogers, að rannsóknir hans bendi til þess að sýnið, sem notað var við rannsóknina árið 1988, hafi verið tekið úr bót, sem ofin var inn í klæðið og er frá miðöldum. Klæðið var bætt eftir að það skemmdist í eldi. Rogers segir að efnafræðirannsóknir hans sýni fram á að klæðið sé mun eldra en áður var talið. Í ljós hafi komið að efnið vanillin, sem venjulega finnst í hör en dofnar með árunum, finnst ekki í stærstum hluta líkklæðisins. Það bendi til þess að klæðið sé afar gamalt eða á milli 1300 og 3000 ára. Hins vegar finnist vanillin í bótum, sem bætt hafi verið í klæðið á miðöldum.
Í rannsókninni, sem vísindamenn frá þremur háskólum gerðu árið 1988, var niðurstaðan sú að klæðið væri frá tímabilinu 1260-1390. Þar með væri ómögulegt að um væri að ræða líkklæði Krists og kardínálinn í Tórínó lýsti því í kjölfarið yfir að um væri að ræða fölsun. Ýmsar tilraunir hafa verið gerðar síðan til að hnekkja þessum niðurstöðum. | | | |
|
|
MMX Saga /
Kirkja /
Listir /
Matur
/ Tenglar