RÓMARVEFURINN

E F N I

LEITA í VEFNUM

Sláðu inn það efnisorð sem þú hefur áhuga á að fræðast um í Rómarvefnum.

NÝTT í VEFNUM

08.05.09 Mussolini og launsonurinn. Lesa

17.05.07 Nokkrir góðir punktar um eitt og annað sem hægt er að gera í Róm. Lesa

15.05.07 10 staðir í Róm sem koma þér í beint samband við fornöldina. Lesa

04.11.06 Vínframleiðsla á Sikiley er mikil og hefur stórbatnað síðustu árin. Lesa

02.09.06 Bottega dei vini er vínsetur vert að heimsækja í Verónu. Lesa

FERÐAVEFIR

ÍTALÍA: Hanna Friðriks
PARÍS: Parísardaman
K.HÖFN: Islands center
ÍS-ÍT: islandaoggi.com

- Þinn vef hér? Hafðu samband.

SKÁLDIÐ SAGÐI ...

„Ef ég skyldi einhverntíma komast í vandræði þá vildi ég vera meðal ítala.“

- Halldór Laxness.

Lestu meira um hvernig íslensk skáld hafa ort og skrifað um Ítali og Ítalíu.

UMSAGNIR

„Við erum búin að vísa mörgum í hús til ykkar því af þeim vefjum ítölskum sem við skoðum þá held ég að ykkar geri betur en flestir að vísa til vegar á Ítalíu og ekki síst í Róm.“

„...hagnýtur og
hentugur vefur sem fær nánast fullt hús stiga út á upplýsingagildið og skemmtilegheitin ...“

„Við prentuðum út margar síður af þessum snilldarvef og notuðum sem biblíu á 10 daga ferðalagi okkar um Róm.“

Meira

RÓMVERSK-KAÞÓLSKA KIRKJAN

Svissneska varðliðið

Þeir marséra undir nafninu Varðliðar kirkjunnar
þessir kaþólsku Svisslendingar sem mega ekki
vera lægri en sem nemur 173 sentimetrum og
hafa gætt alls 42ja páfa í heil 500 ár.

VARLIÐI VATIKANSINS Teikning af varðliða í viðhafnarbúningi frá því um 1820.

Það var Júlíus II. svokallaður stríðspáfi sem stofnaði til málaliðs svissnesku varðliðanna (ít. Guardia Svizzera pontificia) 22. janúar árið 1506. Svissneskir hermenn þóttu stríðsmenn góðir, hugrakkir og húsbóndahollir. Og ekki veitti af því páfa var annt um að styrkja stöðu sína gagnvart keisurum og kóngum álfunnar og því fáum að treysta. En, málaliðið var ekki það eina sem Júlíus II. setti á fót það árið því stuttu síðar, eða 18. apríl, lagði hann hornstein að þeirri Péturskirkju sem við þekkjum og var fullkláruð 120 árum síðar.

Lífvarðasveit páfa, þessi heimsins minnsti her eins og hann er oft kallaður, er skipuð 100 (aðrar heimildir segja 110) svissneskum karlmönnum á aldrinum nítján ára til þrítugs. Þeir verða að sjálfsögðu að vera kaþólskir, helst ekki vera minni en sem nemur 173 sentimetrum og hafa lokið skylduþjónustu í Svissneska hernum. Varðliðarnir sverja páfa hollustu sína og þess að verja hann meði oddi og egg og lífi sínu ef þörf krefur. Lágmarkstími vistar í varðliðinum er tvö ár.

Þann 6. maí ár hvert eru nýir varðliðar vígðir inn. Dagsetningin er til minningar um það þegar meirihluti varðliðsins, 147 hermenn alls, voru vegnir á tröppum Péturskirkjunnar við það að verja Klemens VII. páfa í umsátrinu um Róm árið 1527 (af 189 varðliðum lifðu einungis 42). Það voru hermenn Karls V. keisara sem vildu inn í Páfagarð, en fyrir fórnsemi svissnesku varðliðanna komst páfi undan eftir leynilegum vegggöngum (Pasetto) sem liggja frá Péturskirkjunni yfir í Engilsborg.

Það hefur lengi verið trú manna að hinn tilkomumikla gula, rauða og bláa búning varðliðsins hafi Michelangelo teiknað upp og látið gera eftir litum Medici fjölskyldunnar. Og ekki skrýtið því Michelangelo vann mikið fyrir Júlíus páfa á þeim tíma sem hann stofnaði til varðliðsins. Þetta er þó víst ekki alveg sannleikanum samkvæmt og á búningurinn að vera seinni tíma verk, þótt stíll hans sé allur í anda endurreisnarinnar.

Einkennisvopn varðliðsins er tvíblaða öxi á spjóti, s.k. bryntröll, sem svissneskir hermenn tóku að brúka á 14. öld. Vopnaðir bryntröllunum gæta varðliðarnir helstu dyra og hliða að páfahöllinni og íbúðar og skrifstofu páfa. Einnig gæta þeir sumarhallar páfa í Gandolfo í Albanhæðum suð-austur af Róm. Sumir varðliðanna eru líka búnir vélbyssum, en bryntröllin eru víst skilin eftir heima í Páfagarði þegar páfi bregður sér af bæ í vísitasíur.

„Við erum gulir, rauðir og bláir“ Þann 6. maí ár hvert er þess minnst að fyrirrennarar þessar ungu og djörfu varðliða páfans voru stráfelldir á þessum sama stað af liði Karls V. sem réðst inn í Rómaborg, rændi hana og ruplaði.

HEIMILD: Myndin af varðliðunum á Péturstorginu er úr myndasafni Páfagarðs og var tekin 6. maí 2006. www.vatican.va

PÁFA FRÉTTIR

6.5.2009 / Mbl.is
Konur í varðsveitir páfans?
Svo gæti farið að konum verði leyfð innganga í varðsveitir Vatíkansins, svissneska varðliðið. Þetta segir Daniel Anrig, yfirmaður varðliðsins í samtali við ítalska fjölmiðla í tilefni athafnar þar sem nýir liðsmenn sóru embættiseið. „Ég get ímyndað mér þær í einhverjar stöður,“ segir hann.

Verði svo að konur fái að ganga í varðliðið væri það mikil breyting á hefð. Svissnesku sveitirnar hafa verndað páfa í 500 ár og í þann hóp komast venjulega bara ungir einhleypir, kaþólskir hermenn frá Sviss.

Áður höfðu praktískar ástæður valdið því að ekki var talið hægt að hleypa konum í hópinn, svo sem þröngar vistarverur hermannanna. En Anrig segir að hann telji að hægt sé að sigrast á slíkum vandamálum. Forverar hans hafa hins vegar verið harðlega andsnúnir þessu.

HVAÐ VILTU ?

ÚR VEFNUM

Eldaðu ítalskt !!!
Oft er það einfaldleikinn sem blívur best og segja má að eitt af því sem einkennir ítalska matargerð sé sparleg notkun hráefnis og krydda.

Söguás: 1929
Mússolíní og Píus páfi XI. semja um réttarstöðu Páfagarðs sem sjálfstætt ríki innan ítalska ríkisins með samningi sem kenndur er við Lateran.

Hátíðir
Kjötkveðju-
hátíð er haldin í Róm svo til allan febrúarmánuð og nær hámarki á Martedí Grasso, sprengidag þeirra Ítala. Karnivalið virðist aðallega vera hátíð smáfólksins; telpurnar klæða sig upp í prinsessukjóla og strákarnir í ofurhetjubúninga.

Hver er maðurinn?
Silvio Berlusconi fv. forsætis-
ráðherra Ítalíu hóf ferilinn sem dægurlaga-söngvari á ferjum, en tók síðan að stunda viðskipti og sá sér þá hag í að stofna til vinfengis við stjórnmálamenn.

Feneyjar
Feneyjar eru reistar á mörgum hólmum og helsti ferðamáti íbúa innan borgarinnar hefur frá upphafi verið siglingar.

Upphaf klaustur-
lífs
Það féll í hlut Benedikts frá Núrsíu að stofna fyrstu munka-
regluna og ber hún nafn hans. Benedikt kom klaustri á laggirnar á Monte Cassino á Suður-Ítalíu.

Kaþólsk trú og lútersk
Ef kaþólskur maður bergir brauðið við altarisgöngu verður brauðið að holdi Krists í munni honum vegna þess að presturinn framkvæmir athöfnina fyrir hönd kirkjunnar.

Leonardo
Leonardo da Vinci er talinn einn mesti listamaður sögunnar. Hann fæddist í smábænum Vinci á Ítalíu um miðja 15. öldina og hefur æ síðan verið við þann bæ kenndur.

ÁBÓTINN SAGÐI ...

„Rómaborg er yfir öllum borgum, og hjá henni eru allar borgir að virða sem þorp, því að jörð og steinar og stræti öll eru roðin í blóði heilagra manna“.

- Nikulás ábóti
á Þverá, 12. öld.

ALLIR VEGIR TIL ...

Rómarvefurinn er helgaður sögu og menningu Ítalíu. Útgefandi er Mínerva - miðlun & útgáfa. Ritstjóri og aðalhöfundur efnis er Kristinn Pétursson. Allur réttur áskilinn © Rómarvefurinn anni MMI - MMX. Síðast uppfært 08.06.2010

Forsíða / Handbók / Hverfi / Ítalía © MMX Saga / Kirkja / Listir / Matur / Tenglar
Um vefinn / Efnisyfirlit / Hafa samband