| |
|
| |
|
 |
LEITA
í VEFNUM |
 |
|
|
| |
| Sláðu inn það
efnisorð sem þú hefur áhuga
á að fræðast um í Rómarvefnum. |
|
|
|
NÝTT
í VEFNUM |
|
|
|
 |
|
08.05.09 Mussolini
og launsonurinn. Lesa
17.05.07 Nokkrir góðir punktar um eitt og
annað sem hægt er að gera í Róm.
Lesa
15.05.07 10 staðir í Róm sem koma þér
í beint samband við fornöldina. Lesa
04.11.06 Vínframleiðsla á Sikiley er
mikil og hefur stórbatnað síðustu árin.
Lesa
02.09.06 Bottega dei vini er vínsetur vert að
heimsækja í Verónu. Lesa |
|
|
FERÐAVEFIR |
|
|
|
| |
|
|
SKÁLDIÐ
SAGÐI ... |
|
|
|
„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu. |
|
|
|
UMSAGNIR |
|
|
|
 |
|
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
Meira |
|
|
| |
|
|
| | | Mafían: Sikiley vs. Napólí | | | Blóðugt stríð hefur geisað í höfuðlausum mafíuheiminum í Napólí og morð nánast daglegt brauð. Friður ríkir hinsvegar á yfirborðinu á Sikiley. Kristinn R. Ólafsson þekkir til í Palermo og segir hér frá. | |
Eftir Kristin R. Ólafsson
 | | RIINA FYRIR RÉTTI Stórbófinn Salvatore Riina var tekinn höndum 1993 og situr enn inni. | Í Napólí ráða glæpasamtökin La Camorra ríkjum í undirheimum borgarinnar. Og til þessa hefur ítalska lögreglan talið bestu leiðina til að uppræta kamorruna að handtaka höfuðpaurana og hefur haft hendur í hári margra þeirra. En vopnin hafa snúist í höndum lögreglunnar. Foringjaleysið hefur nefnilega orðið til þess uppá síðkastið að allt logar í illdeilum innan samtakanna og flokkadrættir miklir svo að morð og árásir virðast engan enda ætla að taka. Um 80 hafa verið myrtir í mafíuárásum í Napólí í ár, 60 prósentum fleiri en í fyrra. Því þurfi að finna sem fyrst foringja allra foringja – capo di tutti capi – á borð við hinn aldna Bernardo Provenzano á Sikiley sem farið hefur huldu höfði í nær 40 ár og heldur öllu í ró og spekt á eynni.
Mafían ekki áberandi í Palermo
Og Mafían sést ekki á yfirborðinu í Palermo, höfuðstað Sikileyjar. Lífið gengur sinn vanagang. Sama óleysanlega umferðaröngþveitið. Sama bílamengunin. Sama mannþröngin á götunum, útimörkuðunum, torgunum. Heilu miðborgarhverfin að grotna niður. Kirkjur og hallir á hverju strái. Og borgin vaxin í allar áttir, einsog óstjórnlegur frumuofvöxtur hefði hlaupið í hana, í niðurníddu skipulagsleysi úthverfanna. En djásnin glitra líka. Og þar ber Hallarkapellu Roðgeirs annars Normannakonungs frá 12. öld án efa hæst.
| Yfirborðsfrið þennan ku mega þakka Bernardo Provenzano sem sagður er hafa þá stefnu að gera ekki árásir á ríkið, bera klæði á vopnin innan mafíunnar, ná undirtökum í löglegri atvinnustarfsemi og takmarka morð við þau „alnauðsynlegustu“. | Gesti líður vel. Allt er með kyrrum kjörum. Maður gengur öruggur um götur, jafnt nótt sem nýtan dag. Og mannfólkið hlýtt í viðmóti og hjarta. Þennan yfirborðsfrið ku semsagt mega þakka Bernardo Provenzano. Hann er sagður hafa þá stefnu að gera ekki árásir á ríkið, bera klæði á vopnin innan mafíunnar ef í odda slær, ná undirtökum í löglegri atvinnustarfsemi og takmarka morð við þau „alnauðsynlegustu“ svo að atvinnulífsmafían geti látið fyrirtæki sín blómstra í skjóli leppeigenda með hreinan skjöld.
Allt sumsé með friði og spekt á Sikiley. Þó bárust reyndar þær fréttir í nóvemberbyrjun að Salvatore Cuffaro, forseti heimastjórnarinnar á eynni, úr röðum Kristilegra demókrata, sem aftur sitja í samsteypustjórn Berlusconis, yrði kallaður fyrir rétt í febrúar ásamt tólf öðrum, ásakaður fyrir að hygla mafíunni, í tengslum við rannsókn á upplýsingaleka úr mafíudeild lögreglunnar til samtakanna. Cuffaro hefur borið af sér allar sakir.
Löglega starfsemin ein um fimmtungur
Eurispes nefnist ítölsk rannsóknarstofnun á sviði stjórnmála, hagfræði og félagsmála. Í nýjustu skýrslu sinni til andmafíunefndar Ítalíuþings fullyrðir Eurispes að ólögleg starfsemi mafíufélaganna á Ítalíu, þ.e. eiturlyfjamang, fjárkúgun, vændi, okurlán og vopnasala ... velti 43 milljörðum evra á ári, eða sem svarar svimandi 4.090 milljörðum króna. Og í löglegri starfsemi hafi mafíurnar á sínum snærum sem jafngildi 20 prósentum innanlandsframleiðslu. Hreint ótrúlegar tölur.
Mafían og konurnar
Og daginn sem ég fór frá Palermo var mafían forsíðufrétt Il Giornale di Sicilia – Sikileyjartíðindum, helsta dagblaði eyjarinnar. Fyrirsögnin var: “Játning Carmelu: Maðurinn minn er mafíuforingi og morðingi.” Blaðið skýrir frá því að hin 32 ára Carmela Rosalia Iuculano sem handtekin var í maí hafi ákveðið að vinna með réttvísinni. “Ég hef framar öllu gert þetta fyrir börnin mín” segir Carmela sem á þrjú börn með eiginmanninum. Hún segir Pino Rizzo, mann sinn, hafa tekið þátt í að myrða körtubrautareiganda fyrir tveimur árum ásamt tveimur frændum sínum og tveimur öðrum mönnum. Þeir eru nú allir bakvið lás og slá.
Þetta er ekki í fyrsta skipti sem sikileysk mafíukona leysir frá skjóðunni. Ein hinna fyrstu, á áttunda áratugnum, var Antonietta Bagarella, þá trúlofuð stórbófanum Salvatore Riina sem tekinn var höndum 1993 og situr enn inni. Alveg frammá síðasta áratug töldu ítalskir dómarar eiginkonur mafíuforingja hafa undirtyllustöðu í valdastiga fjölskyldunnar. Árið 1990 var aðeins ein kona sökuð um mafíuglæpi á Sikiley, en 1995 var talan komin uppí 89. Konurnar eru sagðar taka við forystuhlutverki tímabundið ef eiginmaðurinn, foringinn, hefur verið handtekinn, er í felum eða látinn. Og konan sem uppalandi kenni börnum sínum gildi og venjur mafíunnar. Fyrsta mafíukonan komst í kast við lögin 1904. Síðan ekki söguna meir fyrr en Maria Filippa Messina og Giusy Vitale voru dæmdar fyrir mafíustarfsemi í Palermo í lok síðasta áratugar. Og ímynd konunnar innan mafíufélaganna hefur þróast í þremur stigum, segja sérfræðingar. Frammá níunda áratuginn voru þær ósýnilegar en þó ekki fjarverandi. Síðan kom tímabil iðrenda þar sem ýmsir leystu frá skjóðunni, þarámeðal konur. En frá 1996 og til dagsins í dag hafa þær aftur haldið sig í skugganum þótt menn hafi á tilfinningunni að áhrif þeirra í félögunum séu meiri en áður.
Höfundur er rithöfundur og þýðandi í Madríd, en auk þess fréttaritari RÚV og fararstjóri í hjáverkum. Pistill þessi var fyrst fluttur í útvarpi í nóv. 2004.
 Lestu meira um mafíuna ítölsku hér í Rómarvefnum, um Mafíuna á nýrri öld og skoðaðu svo kort yfir helstu mafíuféög Ítalíu.
| Í FRÉTTUM VAR ÞETTA HELST ... | 7.11.2002
 ELDGOS Í ETNU
Stærsta og virkasta eldfjall álfunnar, Etna á norð-austurhluta Sikileyjar, gýs nú af fullum krafti og færist í aukana skv. síðstu fréttum. Etna bærir reglulega á sér, fimmta hvern mánuð segja fræðingarnir, en síðasta stóra gosið hennar var fyrir 10 árum. Engan hefur sakað og engar skemmdir hafa enn orðið á mannvirkjum, en öskufall töluvert. Stór hópur íslenskra ferðamenna var við rætur Etnu er hún byrjaði að ræskja sig á laugardagskvöldið sl. 26.10., og því grunar mann að eldfallið sikileyska sé að sýna sig fyrir gestum frá eldfjallaeyjunni köldu. - RV.
27.10.2002
Eldgos í Etnu
Gos hefur verið í eldfjallinu Etnu nærri Catania á Sikiley í dag. Etna er 3.310 metra há og lifnar við á um fimm mánaða fresti. Síðasta stóra gosið í Etnu var árið 1992. Jarðskjálftar hafa verið í fjallinu í morgun. Stærsti skjálftinn mældist 4,2 stig á Richter. Sérfræðingar segja að hvorki íbúum í nágrenninu né ferðamönnum sé hætta búin. - AP | | |
|
|
