„Ef
ég skyldi einhverntíma komast í vandræði
þá vildi ég vera meðal ítala.“
- Halldór Laxness.
Lestu meira um hvernig íslensk skáld hafa
ort og skrifað
um Ítali og Ítalíu.
UMSAGNIR
„Við
erum búin að vísa mörgum í
hús til ykkar því af þeim vefjum
ítölskum sem við skoðum þá
held ég að ykkar geri betur en flestir að
vísa til vegar á Ítalíu og
ekki síst í Róm.“
„...hagnýtur
og
hentugur vefur sem fær nánast fullt hús
stiga út á upplýsingagildið
og skemmtilegheitin ...“
„Við
prentuðum út margar síður af þessum
snilldarvef og notuðum sem biblíu á
10 daga ferðalagi okkar um Róm.“
Eyjan Kaprí í Napólíflóa á Suður-Ítalíu er landfræðilega séð framlenging á Sorrentó- skaganum og lokar flóann af í suðri eins og Ischiaeyja gerir í norðri.
Kaprí er með fallegri stöðum sem gefur að líta á þessum hluta Ítalíu. Eyjan er lítil, aðeins tæplega 10 fkm að stærð og er nokkurn veginn ferhyrnd að lögun. Það fyrsta sem hrífur mann eru brattir hamraveggirnir sem rísa þverhníptir úr sjónum, mikill gróður sem þekur eyjuna og hvít húsin þar inn á milli.
Náttúruperla Bærinn Kaprí er miðpunktur eyjarinnar. Vestur af honum er Anakaprí sem stendur á hárri sléttu við rætur Solaro fjalls. Megnið af íbúum eyjarinnar búa í þessum tveimur bæjum. Sjómennirnir og fjölskyldur þeirra búa þó í Marina Grande, Stóru höfn, enda stærsta höfnin á Kaprí. Marina Piccola, Litla höfn, sem er á suðurströnd Kaprí er einnig vinsæll lítill bær sem er mjög fallega staðsettur.
Eins og gefur að skilja er ferðamannaiðnaðurinn aðalatvinnugrein eyjaskeggja, en þó nokkur hluti eyjaskeggja fæst við fiskveiðar ásamt ræktun ólíva og vínberja. Gróðurfar og dýralíf, þó sérstaklega sjávardýra, á Kaprí er sérlega áhugavert, flóran er líka einstaklega fjölskrúðug og skapar marga náttúruperluna. Hér verða nefndir stuttlega örfáir af þeim stöðum sem gert hafa eyjuna fræga, en það verður frekar fátækleg upptalning þar sem sjón er sögu ríkari.
Blái hellirinn
Blái hellirinn á Kaprí, Grotta azurro. Hellismuninn þröngur, en bláa birtan kemur frá sjónum. >STÆKKA<
Kaprí er skartgripaskrín fullt af skarti og þetta eru fyrst og fremst náttúruperlur. Blái hellirinn, Grotta azurra, er eins og lítil sjávarkapella, enda tileinkuð sjávarguðunum á tímum Rómaveldis. Hellismuninn er þröngur, aðeins 2 m á breidd og 1 m á hæð, en náttúruleg neðansjávarlýsing skaffar birtuna bláu sem skýrir nafn hellisins. Faraglioni heita fallega mótaðir klettar sem rísa úr sjónum úti fyrir eynni og eru eitt helsta kennileiti Kaprí.
Fjöldi annarra hella eru dreifðir eftir strandlengjunni. Þverhnípt björgin í sjó fram eru einnig hluti fegurðar eyjarinnar og ekki má gleyma frábæru útsýninu yfir kristaltæran sjóinn. Mikið er af fallegum görðum á Kaprí sem oftar en ekki umlykja fallegar byggingar allt frá tímum hins forna Rómaveldis. Dæmi um merki Rómaveldis eru Villa Jovis og Villa Damecuta.
San Michele
Útsýni yfir Kapríeyju frá villu sænska læknisins Axels Munthe, San Michele. >STÆKKA<
Áhugavert er að skoða hina fallegu villu San Michele sem byggð var frammi á klettanös í byrjun síðustu aldar. Húsið var byggt á rústum rómverskrar byggingar sem enn er hægt að sjá merki um inni í húsinu. Sá sem lét byggja Villa San Michele var Axel Munthe, sænskur rithöfundur og læknir. Hann bjó í Villa San Michele í um 40 ár. Hann skrifaði Bókina um San Michele sem þýdd hefur verið á yfir hundrað tungumál. Við andlát sitt gaf hann sænska ríkinu húsið með öllu inbúi. Í dag er Villa San Michele safn og bústaður fyrir listamenn. Á móti þessu merka húsi stendur kirkja heilags Mikjáls, San Michele.
Kaprí hefur með réttu stundum verið kölluð sjávarperlan og dylst það engum sem ferðast þangað enda er það fyllilega þess virði.
Höfundur rekur húsa- og íbúðamiðlunina Vacanza og bjó um nokkurra ára skeið á Ítalíu.
Eldaðu
ítalskt !!!
Oft er það einfaldleikinn sem blívur
best og segja má að eitt af því
sem einkennir ítalska matargerð sé sparleg
notkun hráefnis og krydda.
Söguás:
1929
Mússolíní og Píus páfi
XI. semja um réttarstöðu Páfagarðs
sem sjálfstætt ríki innan ítalska
ríkisins með samningi sem kenndur er við
Lateran.
Hátíðir
Kjötkveðju-
hátíð er haldin í Róm
svo til allan febrúarmánuð og nær
hámarki á Martedí Grasso,
sprengidag þeirra Ítala. Karnivalið virðist
aðallega vera hátíð smáfólksins;
telpurnar klæða sig upp í prinsessukjóla
og strákarnir í ofurhetjubúninga.
Hver
er maðurinn?
Silvio Berlusconi fv. forsætis-
ráðherra Ítalíu hóf ferilinn
sem dægurlaga-söngvari á ferjum, en
tók síðan að stunda viðskipti
og sá sér þá hag í að
stofna til vinfengis við stjórnmálamenn.
Feneyjar
Feneyjar eru reistar á mörgum hólmum
og helsti ferðamáti íbúa innan
borgarinnar hefur frá upphafi verið siglingar.
Upphaf
klaustur-
lífs
Það féll í hlut Benedikts frá
Núrsíu að stofna fyrstu munka-
regluna og ber hún nafn hans. Benedikt kom klaustri
á laggirnar á Monte Cassino á Suður-Ítalíu.
Kaþólsk
trú og lútersk
Ef kaþólskur maður bergir brauðið
við altarisgöngu verður brauðið að
holdi Krists í munni honum vegna þess að
presturinn framkvæmir athöfnina fyrir hönd
kirkjunnar.
Leonardo
Leonardo da Vinci er talinn einn mesti listamaður
sögunnar. Hann fæddist í smábænum
Vinci á Ítalíu um miðja 15. öldina
og hefur æ síðan verið við þann
bæ kenndur.
ÁBÓTINN
SAGÐI ...
„Rómaborg er
yfir öllum borgum, og hjá henni eru allar borgir
að virða sem þorp, því að jörð
og steinar og stræti öll eru roðin
í blóði heilagra manna“.
MMX Saga /
Kirkja /
Listir /
Matur
/ Tenglar